नुक्कड़nukkad

Guide · Hisaab-kitaab ki copy

Apne AI se
dukaan jodiye.

Nukkad ek MCP server hai. Matlab: aapka AI app (Claude, ChatGPT, Cursor) seedha mohalle ki dukaan se baat kar sakta hai. Aap bolo ya likho, “5 kilo aata bhej do”, AI order laga dega. Dukandar bhi bol ke order accept karta hai.

Server URL https://nukkad-api.priyanshusaini.in/mcp

Abhi marketplace mein list nahi hai, isliye ek baar haath se jodna padega. 2 minute ka kaam hai.

1 App mein jodo

Claude claude.ai · Desktop · mobile

  1. Website pe Customize → Connectors → Add → Custom → Web.
  2. Naam: Nukkad. URL: upar wala server URL.
  3. Authentication mein No sign in chuno, phir Add.

Free plan pe bhi chalta hai, par ek hi custom connector milta hai. Mobile app mein bhi wahi connector dikh jaata hai.

ChatGPT chatgpt.com (web)

  1. chatgpt.com/plugins kholo → + → Add custom MCP server.
  2. Naam Nukkad, URL upar wala, Authentication No authentication.
  3. Warning tick karo → Create. Chat mein @Nukkad likh ke chuno.

Dhyaan do: OpenAI ke hisaab se Plus/Pro pe custom server abhi sirf “read” tools chala sakta hai. Order lagana (write) Business/Enterprise pe pakka chalta hai. Free plan listed nahi hai.

Cursor / Claude Code developers

{
  "mcpServers": {
    "nukkad": {
      "url": "https://nukkad-api.priyanshusaini.in/mcp",
      "headers": { "Authorization": "Bearer <aapki key>" }
    }
  }
}

Pehli baar headers ke bina jodo, login karo, phir key daal do.

2 OTP se login

  1. AI se bolo: “Nukkad pe login karna hai, mera number 98xxxxxxxx, main grahak hoon” (ya “dukandar hoon”). AI request_otp chalayega.
  2. Code daalo. 6 ank ka OTP. Pilot mein SMS abhi nahi jaata, code AI ke jawab mein hi aa jaata hai.
  3. Pehli baar: naam aur shehar batao (Muzaffarnagar, Roorkee ya Shamli). AI verify_otp chalayega. Role aur shehar baad mein nahi badalte.
  4. Personal URL milega, jaise …/mcp/nk_cu_…. Yeh aapki chaabi hai, password jaisa sambhaal ke rakho.
  5. Connector badlo: purana Nukkad connector hatao aur naya isi personal URL se jodo (Cursor mein key ko header mein daalo). Ab saare tools dikhenge.

Key app ke connector settings mein save rehti hai. Kisi ke saath share mat karo. Key leak ho jaaye to humein batao, nayi bana denge.

3 Grahak ke pehle kadam

Ek cart mein ek hi dukaan. Accept hone ke baad cancel nahi hota, dukaan ko phone karo. Payment abhi sirf cash on delivery.

4 Dukandar ke pehle kadam

Delivery aapki apni hai, beech mein koi rider nahi. Ek account, ek dukaan.

? Dikkat aaye to

Sirf request_otp aur verify_otp dikh rahe hain
Aap abhi bina key ke jude ho. Login karke personal URL se connector dobara jodo.
UNAUTHENTICATED / Unknown API key
URL ya key poori copy nahi hui. Dobara login karo, wahi key wapas milegi.
CITY_MISMATCH
Aap sirf apne shehar ki dukaanein dekh sakte ho. Shehar account ke saath fix hai.
SHOP_UNVERIFIED
Dukaan abhi verify nahi hui. Verify hote hi dikhne lagegi.
Claude: “Couldn't reach the MCP server”
Thodi der baad dobara try karo, server free plan pe soya ho sakta hai (pehli request 30–50 second le sakti hai).
ChatGPT order nahi laga raha
Plus/Pro pe write tools ruk sakte hain. Claude ya Cursor se try karo.
Bahut OTP maang liye
10 minute mein 5 se zyada OTP nahi. Thoda ruko.

→ Jald aa raha hai